Ваша електронна бібліотека

Про історію України та всесвітню історію

Наскрізний зріз української історії від найдавніших часів до сьогодення

Статті «Руської правди» щодо захисту княжих урядників та регулювання норм їх утримання (ХІ-ХІІІ ст.)

[...] По Ярославе же паки совкупившеся сынове его: Изяслав, Святослав, Всеволод и мужи их: Косначько, Перенег, Никифор и отложиша оубиение за голову, но кунами ся викупати; а ино все яко же Ярослав судил, такоже и сынове его оуставиша.

О оубиистве. Аже кто оубиеть княжа мужа в разбои, а головника не ищуть, то виревную платити, в чыеи же верви голова лежить, то 80 гривен]; паки л[и] людин, то 40 гри[вен]. [...]

А се покони вирнии были при Ярославе: вирнику взяти 7 ведер солоду на неделю, же овен любо полоть, любо 2 ногате; а в середу куна же сыр, а в пятницю тако же; а кур по двою ему на день; а хлебов 7 на неделю, а пшена 7 оуборков, а гороху 7 оуборков, а соли 7 голважень: то то вирнику со отроком; а кони 4, конем на рот сути овес; вирнику 8 гри[вен], а 10 кун перекладная, а метелнику 12 векшии, а ссадная гривна.

Аже будеть вира во 80 гри[вен], то вирнику 16 гри[вен] и 12 векши, а переди ссадная гри[вна], а за голову 3 гри[вны].

О княжи муже. Аже в княжи отроци, или в конюсе, или в поваре, то 40 гри [вен].

А за тивун за огнищныи, и за конюшии, то 80 гри[вен].

А в сельском тивуне княже или в ратаинем, то 12 гри[вен]. А за рядовича 5 гри[вен]. Тако же и за бояреск. [...]

О челяди. А челядин скрыетьс(я), а закличуть и на торгу, а за 3 дни не выведуть его, а познаеть и третий день, то свои челядин понята, а оному платити 3 гри[вны] продажи. [...]

О татбе. Паки ли будеть что татебно купил в торгу, или конь, или порт, или скотину, то выведеть свободна мужа два или мытника; аже начнеть не знати, оу кого купил, то ити по нем тем видоком на роту, а истьцю своє лице взяти; а что с ним погибло, а того ему желети, а оному желети своих кун, зане не знаеть оу кого купив; познаеть ли на долзе оу кого то купил, то свое куны возметь, и семуплатити, что оу него будеть погибло, а князю продажю. [...]

Аже буд[у]ть холопи татие, суд княжь. Аже буд[у]ть холопи татие, любо княжи, любо боярьстии, любо чернечь, их же князь продажею не казнить, зане суть не свободни, то двоиче платить коистьцю за обидоу. [...]