Наскрізний зріз української історії від найдавніших часів до сьогодення

Літопис про напад половців на Переяславське князівство (1179 р.)

Того же лета, месяца августа, придоша иноплеменници на Рускую землю, безбожний Измалтяне, оканьнии Агаряне, нечистии исчадья, делом и нравом сотониным, именемь Концак, злу началник правоверным крестьяном, паче же всим церквам, идеже имя божие славиться, сими же погаными хулиться, то не реку единемь крестьяном, но и самому богу врази; то аще кто любить врагы божия, то сами что приймуть от бога? Сий же богостудный Концак со единомыслеными своими приехавше к Переяславлю, за грехы наша, много зла створи крестьяном, оних плениша, а иныи избиша, множайшия же избиша младенець. В то же время вышедшю Святославу ис Кыева, ниже Трьполя стоящю, съежидающи к собе Ростиславичь, ждашеть бо к собе Половець на мир: бяшеть же им весть ина: «рать», и в то время пригна посол ис Переяславля: «воюють Половци около города». Слышавше же князи Рустии, пойдоша за Сулу и сташа близ городища Jlyкомля; весть же приимше Половци, яшася бегу опять своею дорогою, и князи воротишася восвояси.