Наскрізний зріз української історії від найдавніших часів до сьогодення

Літопис про боротьбу між руськими князями (1159-1160 pp.)

Том же лете нача Ярослав Галичьскый искати Ивана Ростиславича, стрьичича своего; Ярослав бо бяше подмолвил князе Руские, и короля, и Лядьския князя, да быша ему были помочьници на Ивана, и обещашася ему вси. И послаша послы Киеву к Изяславу Давыдовичю: Ярослав Галичьский Избигнева, Святослав Олговичь Жирослава Иванковича, Ростислав Мьстиславичь, Мьстислав Изяславичь Жирослава Васильевича, Ярослав Изяславичь Онофрья, Володимер Андреевичь Гаврила Васильевича, Святослав Всеволодичь Киянина, король мужа своего, и от Ляхов мужь свой; Изяслав же припревсих, и ответ им дав, отпусти я. Иван же тогда уполошився еха в поле к Половцем, и шед с Половци и ста в городех Подунайскых, и изби две кубаре и взя товара много в нею, и пакостяше рыболовом Гадичьскым. И придоша к нему Половци мнози, и берладника у него скупися 6000, и пойде к Кучелмину, и ради быша ему, и оттуда к Ушици пойде. И вошла бяше засада Ярославля в город, и начаша ся бити крепко засадници из города, а смерди скачуть черес заборола к Иванови, и перебеже их 300; и хотеша Половци взята город, Иван не да им взята, и р о з г н ев а в ш е с я Половци ехаша от Ивана. Изяслав же посла по Ивана и приведе Киеву. И уведав Изяслав, оже на нь хотять ратью пойти про Ивана Ярослав, Мьстислав, Володимир Андреевичь, и посла к брату Святославу Чернигову Глеба Ракошича, дая ему Мозырь и Чичереск, и поведа ему, оже хотять на нь ратью пойти. Святослав же рече: «право, брате, гневался есмь на тя про то, оже ми еси Черниговськой волости не исправил, но лиха та есмь не хотел; да же уже тако есть, оже на тя хотять, то боже мя избави та волостат[ь]се; ты ми брат, дай ми бог с тобою пожити добре», — и целоваста хрест межи собою на всей любви. Тогда же и сняшася в Лутаве Изяслав, и Святослав Олговичь, и сын его Олег, Игорь, и Всеволодичь, и Володимиричь Святослав, и бысть любовь велика межи ими по 3 дни, и дарове мнози; тогда же и послаша слы своя в Галичь и Володимирю, поведаюче свою любовь и оже бог свкупи хрест честьный. Ти же уведавше, оже братья у любви, такоже не поехаша. [...]

В лето 6668. Пойде Ростислав, сын Мьстиславль, и[з] Смоленьска к Киеву на стол, и вниде в Киев месяца априля в 12 день, на вскресенье (тогда бо бе пека честьная); и сретоша вси людие и множьство народа, прияша и людие с достохвалною честью; и сяде на столе деда своего и отца своего благоверный князь Ростислав, и бысть людем двоя радость, и вскресение господне и княже седение.

Том же лете снимался Ростислав с Святославом Олговичем Моровийски, месяца мая в І день. Бысть же съезд ею на великую любовь. Тогда же Ростислав позва Святослава к собе на обед, Святослав же еха к нему безо всякого извета; и бысть же радость во т день межю има, и дарове мнози, да бо Ростислав Святославу соболми, и горностайми, и черными кунами, и песци, и белыми волкы, и рыбьими зубы; на заутрие же позва Святослав Ростислава к собе на обед, и тако быста весела паче вчерашнего дни, да Святослав Ростиславу пардус и два коня борза, уковану седлу; и тако розидостася усвояси. Том же лете воева Георгий Ярославичь ис Турова к Путивлю [...] Выревци же затворишася от него и не пустиша к собе; он же оттуда взвратився йде в Заргыи, и ту перебыв, йдеопять взвратився у Вырь. Тогде Олег Святославичь изби Половци и Сантуза уби половецьского князя. [...] Том же лете пойде Святослав Олговичь ко Вщижю на Святослава на Володимирича, и Всеволодича с ним оба ходиста, и Рюрик с Киевським полком, и Олег Святославичь, Роман и[з] Смоленьска, и Всеслав ис Полотьска, Кснятин Серославичь с Галичаны, и стояша около его 5 недель, и створиша с ним мир; и на том целова хрест Володимиричь к Святославу, яко имети ему его в отца место и в всей воли его ему ходити; и тако взворотишася всвояси [...]

Той же зиме ходи Мьстислав Изяславичь и Ярослав, брат его Ярополк, Андреевичь Володимир, брат его Ярополк, к Турову на Гюргя на Ярославича, и стояша пол-3 неделе, и не вспевше ему ничтоже, взвратишася всвояси.