Ваша електронна бібліотека

Про історію України та всесвітню історію

Наскрізний зріз української історії від найдавніших часів до сьогодення

З договору між Давньоруською державою та Візантією (945 р.)

Великий княз русьский и бояре его, да посилают в Греки к великим царем греческим корабли, елико хотят, с послы своими и с гостьми, якоже им уставлено есть; носяху послы печати златы, а гостие сребряны; ныне же уведел есть князь ваш посилати грамоту ко царству нашему, иже посылаемы бывают от них же послы и гостие, да приносят грамоту, пишучи суще: я ко послах корабль се елико, и от тех, да увемы и мы, оже с миром приходять. Аще ли без грамоты прийдуть и преданы будуть нам, да держим и храним, дондеже възвестим князю вашему; аще ли руку не дадят и противятся, да убиены будуть, да не изыщется смерть их от князя вашего; аще ли убежавше, приидут в Русь, и мы напишем ко князю вашему, яко им любо, тако сотворять. Аще приидут Русь без купли, да не взимают месячины. И да запретить князь словом своим приходящим Руси зде, да не творят безчиния в селех, ни в стране нашей ничтоже зла. И приходящим им, да витають у св. Мамы, да послет царство наше, да испишут имена их, и тогда возмут месячное свое, первое от града Киева, и паки от Чернигова, и от Переяславля, и из прочих городов. И да входят в град единеми враты, со царевым мужем, без оружия муж 50, и да творят куплю, якоже им надобе. И паки да исходить, и муж царства нашего да хранит я; да аще кто от Руси или от Грек, сотворит криво, да оправляете то. Входящи же Русь в град, да не имеют власти купить паволок лише по 50 златник и от тех паволок, аще кто купит, да показует цареву мужу, и той запечатает, и даст им. И отходящи Руси отсюду взимают от нас, еже надобе, брашно на путь, и еже надобе лодиям, якоже уставлено есть первее и да возращаются со спасением в страну свою, и да не имеют власти зимовати у св. Мамы.

И о том, аще обрящут Русь кубару греческую вывержену на коим любо месте, да не преобидят ея. Аще ли от нея возметь кто что, или человека поработить или убиет: да будеть повинен закону русьскому и греческому.