Ваша електронна бібліотека

По історії України та всесвітній історії

Наскрізний зріз української історії від найдавніших часів до сьогодення

Універсал Петра Дорошенка до Війська Запорозького у зв’язку із загрозою нападу неприятельських військ внаслідок польсько-московського порозуміння (1667 p., березня 1)

[...] Поневаж на розних войско польское купитца месцах, вцале [не]зычливым умыслом замышляют. А до того королевская его милость с Москвою учинил згоду чрез комысаров своих, якож [и при] очах посланца моего, от енера[ла з] Белой Церкви пошли рейтарие до Киева, а то все чинят, совокупляючи сылы на здоровье, и худобы наши, и головы наши, для чего и нам стати не добро, аленалежит о собе старатися, якосмо не были посмевиском неприятелем нашим, прето, юж о нашу шкуру идет [торг], и грозя[т] силою, вам сим моим писаньем и ораз приказую и напоминаю, хто толкокозаком имянуетца, и кождыи, миючии Бога и свое здоровье, бы и посполитыи человек, приспособляючися, порох и пульки и всякой роштунок, яко до войни належит, меновите и борошно, и оружье, ежели всех идет о здоровья, кождому теды противко себе и вшелякую готовость имети приспособивши, буду[чи], где войсковая от нас укажет, имети приналежность, за данем теды от нас повторной вам ведомости, абы сес все, яки, конные, так и пешие до войска выходили. А тим часом о вшелякую готовость прошу пилно и сурове, абы иначей не было приказую.