Ваша електронна бібліотека

По історії України та всесвітній історії

Наскрізний зріз української історії від найдавніших часів до сьогодення

Універсал Богдана Хмельницького про заборону чинити утиски ніжинським міщанам (1650 p., серпня 1/11)

Паном полковником, сотником, атаманом, висилком вшеляким од нас в Север кождого часу высланим, до ведомости подаємо, иж дошло нас ведати, же розние в справах войсковых в тамтие край заехавши в месте его к[оролевскои] милости Нежине незвичаиние в стациях податки витегают и в напоях розние утяжен и инние ексцесси пополняют. Прето хочемо то по вас мети, хто бы єно колвек подател сего уневерсалу, от нас мешаном нежинским даного, важилсе над слушност и звычаи будучи висилкою и мимоиздом прикроет чинити, уряд мескии зневажати и до шкоди убогих людей а Нежине месте приводити, таковыи каждый за однесенем до нас, а слушним доводом о каждый виступок незвычаиныи сурове на горле каран будет, чего полковник наш тамошныи нежинским пилно постерегати мает под срогим каранем, што для лепшое ваги при звиклои печати войсковой и с подписом руки нашое сеи уневерсал иным видат росказуем.