Наскрізний зріз української історії від найдавніших часів до сьогодення

Універсал Богдана Хмельницького про затвердження Івана Скицдера чернігівським війтом (1649 p., листопада 8/18)

Всем вобец и каждому зособна, кому о том велати належит, меновите паном полковником, сотником, атаманом, асавулом и всим козаком Войска его кор[олевской] мил[ости] Запорозкого и висланымнашим, также месчаном чернеговским и селяном, чиним ведомо сим листом нашим, иж постерегаючи всюди, абы порядок был и справедливост святая многожилас, прото за обранем всего посполстваместа Чернегова подлуг першого листу нашого, им даного, Иоанна Скиндера за войта и дозорцу места и волости, ведлуг права майдебурзкого, месчаном черниговским служачого, теди и мы,угледевши и маючи залецене и поцтивые поступки помененного Иоанна Скиндера, яко чоловека годного и на то способного, повагою нашою гетманскою за войта и дозорцу места его кор[олевской] мил[ости] Чернигова постановляємо и ствержаемо его, которого уряду мает заживати и держати аж до живота, яко право тое звичай свой мает, же войти доживотние упривилованые, о чем далшую конфирмацею от его кор[олевской] милости за сим листом нашим одержит. А тепер за сим уневерсалом нашим моцен ест вишменований войт местом радети и правити и волосчанами здавна до местаналежачими, то ест Слабином, Рудкою, Седнесчиною и иншими, и их судити, порадки вынайдовати, которого мают слухати и поважати, так месчане, яко и волосчане менование, и во всем прилежние мают бити на складку, в чем потреба. И товариство наше, полковник и сотник и вси козаки, мают шановати, яко намесника нашого, и ни в чом перешкоди не чинити. [...] Взглядом которого уряду тому ж войту для обийстя его з ласки нашое гетманское даємо млинок Лопатинский и Застриженский и его власний Кувечицкий, а на мескую потребу перевоз и озера и в дозор млини подаємо, до места належачие. Которому то листу нашому абы нихто не был спречный, и овшем у кождого абы был цале и непорушно держан, под каранем срокгим войсковим, што кождий спречний, за данем нам ведомости, яко кгвалтовник листов наших гетманских, будет срокго покаран. [...]