Наскрізний зріз української історії від найдавніших часів до сьогодення

З послання олександрійського патріарха Мелетія Пігаса до руських православних братств (1597 p., серпня 24)

[...] Страх Божий, и юже к ближнему любовь предложеную имуще, обетованиаже слагающе преподобный, еже стекатися нуждам церковным и полагати требующим, странным, убогым, недужным, иже в темницах, священых храмов и священаго чину в прилежании, подвиги, труды, промыслом, коштом, и яко бы неции великого Божиаго градз поборници в стражу, помощ в скорби своим, в отгнание же противных, встающе. Се есть еже и глаголются братиа, сставлении в сблюдение поданнаго благочестиа, основани на оснований Апостол, сушу краеугольному самому Христу, от Него же и чают небесных вьсприатий в день взданиа, за иже о теле Христовем, еже есть Церков, главу имущиа яко плоть Христа, бдят, подвизаются, тружаются, иждивают, сторицею вместо единаго всприати имуще, и живот вечний наследствующе. Добрии раби благии, добрии делителие винограда Христова иже с Христом погребшеся, и живот с Ним скровен имуще, егда Христос явится в славе, тогда и вы с Ним в славе явитеся, венцы одевающеся правды. Токмо не обленяйтеся в трудах и подвизех и милостынях, греюще тело Христово, Церковь, требующих добле защищайте, в востающей бури, еже на Православную церковь, от иже никогда митрополита киевского и с отступников его, иже взлюбивше нынешний век, последовали инославным, отеческих догмат и преданий отступивши, яже вся мы от седми Вселенских сборов держим, приавше утверженаа и запечатленнаа многых лет периоды, от нихже нам Божиим человеколюбием и благодатию православным, нелепо есть отгоргшеся последовати новым вымыслом: но и велми бедно: отци бо, анафеме приложениа отдали и приобщениа быти чюждим повелели священных Христовы истинноа Церкви, радующихся приложением, и новым вымыслом. Якож иногда и древле Бог Моисеом повеле ниже прилатати, ниже отьимати, что от освященых от Бога отцы. И Павел вошет ясне, анафема быти аще и аггел бы был с небеси, (еже есть немощно), аще ино что паче еже предашя апостоли, дерзнет ново пресекати. О сих много многажды посилахом укрепляюще ваше благоговение нашими посланий, яже типарному художеству подайте, и греческы и руски, (аще благо быти и латинскы), да будет мало некое утешение, в иже от спротивных обуреваний православным, ихже вы есте изрядныя и избранный части исставы. И вас Господь Бог да схранит невредны душею же и телом вспоминающих и нас, иже за Христа пленников. [...]