Ваша електронна бібліотека

Про історію України та всесвітню історію

Наскрізний зріз української історії від найдавніших часів до сьогодення

Лист Костянтина Острозького до шляхти і обивателів Володимирського повіту з проголошенням правил поведінки пдд час роботи гродського суду та при зборах повітового посполитого рушення (1588p., липня 16)

Яко-м сам в згромаженью устне з вмлтями в речах нижеи описаных розмовлял и напоминал, так и тепер здало ся ми то вмл, а звлаща тым, если бы которые з вмл в том згромаженью не были, на писме зоставить и ознаимить, абы то жадному з вмл в неведомости не было, але тым лепеи на баченю вмл быть могло, иж ми ся теды в старостве моем, так з ынших причин, яко немнеи с повинности моее старостинское, годить вшеляких порядков постерегати, а збытком забегати. Про то прошу и напоминаю, абы вмл завжды на вряде моем кгродском вси справы свои статочне и учтиве отправовали, а вряд и местце судовое в пристойной учтивости мели, без тумультов и броней незвычаиных перед суд приходили, так теж словы ся доткливыми на вряд, один на другого не спусчали,але ся во всем спокоине водлуг права, и констытуцыи, и повинности своее заховали.

Так же в екзекуцыи, кгды врад на отраву едеть, абы жадного небезпеченства не уживал, бо ездить не на кгвалт, але на выконане справедливости.

Возных абы не бито, не шарпано, так же и стороны, кгды ж то есть против Богу, праву и справедливости.

О то теж вмл особливе прошу и напоминам, абы ся в месте под урядом моим никому жадные збытки не деяли, яко от вмл самых, так и от слуг вмл, кгды ж того кождый уряд стеречи и боронитиповинен.

Ручницы теж абы жаден под урядом моим, а зласча набольшей часу рочков, не уживал, ани с них стрелял, ани с ними ходил водлуг констытуцыи.

На рушенье теж поветовое абысте ся вмл зъеждчали, а повинности своей подлуг права досыть чинили. [...]