Ваша електронна бібліотека

По історії України та всесвітній історії

Наскрізний зріз української історії від найдавніших часів до сьогодення

Уривок з листа антіохійського патріарха Юакима з викладом статуту Львівського братства (1586 р.)

Сие благоугодное законное братство вышеписанное и нижней реченные обычая повинни так держати:

1. Сошедшися на день уреченный в дом выбранный, любовию и тихостию, друг друга честию болша себе творяще, промышляюще добрая пред богом и человеки: «Аще бо кто о своих не промышляе, веры отвергся и неверного горши есть».

2. А мають ся сходити за обсыланием знамене братского четыре недели, или як потреба и час приличится, и повинен кождый брат в чотыри недели полгроша дати до скринки братской.

3. А кто бы хотел вступити в сие братство, или мещанин, или шляхтич, или предмещанин, или посполитых людей вселякого стану, як тутешний, так сторонний, — маеть дати вступного грошей шесть.

4. А который бы брат мешкане мел далекое от сего братства, тогды в рок по шести грошей маеть давати до скринки братской.

5. А братя сполне кождого року мают выбирати з межи себе старших четыре браты, поручаючи им все старейшинство церковного братства. [...]

12. Сходячися до сего братства, в справах упорожнившися, книги законные почитати и друг другу спослушанием вешати. [...]

18. Который бы брат яковую справу мел, а не умел бы своей речи справити, волно ему взяти двох братов на пораду и на помочь.

19. Вшелякая справа братская не маеть быти выношена далей от порога дому братского. А на кого бы досведьчено двема, маеть быти каран: селеньем и безменом воску.

20. А кто бы гордел церковным братским судом, як преслушник церкве судится. А если ся того не каеть до четвертой недели, то як поганец и явно грешник от церкве да отлучится, по христову евангелию. И священник маеть его в церкви перед всеми обличити и от церкви отлучита. [...]

22. А если, з допущення божия, будеть на брата яковый упадок или немочь, а немел бы достатку мають ему братя помагага братскими пенязьми и в немочи презирата. [...]

24. А которому бы брату помагали в напастех, в бедах позычаючи ему пенязей, не мають от них лихвита; а позычати мають не на закованя смотречи, а не тым, который хотять быти богатшии, алекоторый больший недостатки терпять з допущення божего. [...]