Ваша електронна бібліотека

По історії України та всесвітній історії

Наскрізний зріз української історії від найдавніших часів до сьогодення

II Статут Великого князівства Литовського про соціальну структуру суспільства (1566 р.)

АРТЫКУЛ 5

[...] На которые соймики мають зъезджатися и бувати тые воеводове и каштелянови урядники земские, потомуж князеве панове шляхта того ж повету и воеводства, а намовляти о тых речах и потребах земских, которые им на местцах наших ознаймены будуть, на мней те о своих и о всех потребах земских и полеглостях оного повету и воеводства; и зволившыся вси одностайным жданьеммають обирати послов своих, то есть от кожного суду земского, колко их у том воеводстве будеть, по две особы [...]

АРТЫКУЛ 9

Так теж мы, Господар, обецуем и шлюбуєм под присегою нашою [...] штож в том панстве Великом Князстве Литовском и во всих землях ему прислухаючих достойностей духовных и свецких городов, дворов и кгрунтов старосте в держаньи и пожываньи и вечностей жадных чужоземцем и заграничником ани суседом таго панства давати не маем; але то все мы и потомки наши Великие Князи Литовские давати будуть повинни только Литве а Руси, родичом старожитным и врожонцам Великого Князства Литовского и иных земль тому Великому Князству належачих. [...] А хотя бы хто обчого народу за свое заслуги в той речы посполитой пришол кау оселости з ласки и данины нашое, албо которым иншим правом; тогды таковые тол ко оселости оное уживати мають будучы обывателем обецным Великого Князства и служачы службу земскую томуж панству. Але на достоинства и всякий вряд духовный и свецкий не маеть быти обиран, ани от нас, Господаря, ставлен, тол ко здавнапродков своих уроженец Великого Князства Литовского Литвин и Русин. [...]

АРТЫКУЛ 15

Тех простых людей над шляхту не повышати, на достойности их прекладати и врядов наших простым людем давати не маем, а шляхте кождому рыцерскому человеку тутошнего панства нашого Великого Князства Литовского родичу мы, Господар, з ласки нашое господарское за службами, за годностями их нам, Господару, обецуем их водле годностей достойностями и вряды опатровати и в службах наших заховати, яко верных наших подцаных. [...]