Ваша електронна бібліотека

Про історію України та всесвітню історію

Наскрізний зріз української історії від найдавніших часів до сьогодення

З підтверджувальної грамоти Сигізмунда Августа мстиславським і радомським князям, боярам і всій шляхті щодо вільного ведення торгівлі й господарської діяльності у своїх маетностях (1551p., листопада 24)

[...] иж кгды оные люди в селех их будуть кони, або якое быдло, и теж мед пресный и соль продавати, тогды жадного мыта мытником Мстиславским оттоль не повини давати, а мытники тежникоторое обтяжливости через то не мають в том чинити, леч кгды у месте Мстиславском або в Радомском кони и быдло и иншие речи будут продавати, тогды вжо от того мыто звычайное повиннидавати, а с того за тым листом нашим не мають ся ничим выламовати. Теж городничое в тых замкох наших Мстиславском и Радомском им держати даем, иж мають земяне тамошние, люди добрые а веры годные, в тых замкох наших городничими быти и всякие речи бровные заведати, и в целости их ховати, и слушне а рядне ся справовати. И на то даем им сесь наш лист з нашою печатью. [...] А што ся дотычеть судов Старостиных и ловов зверинных в нущах и гонов бобровых и тых вин вышеймененых, кгдыж то перед тым завжды так ся заховывало, яко того они справу нам дали, же им того взывати было вольно, мы и теперь, водлуг давного обычая, то заставуем и то тым листом нашим установляєм: иж коли которые справы перед старостою нашим Мстиславским теперешним, князем Иваном Васильевичем Полубенским, и по нем будучими старостами тамошними от бояр шляхты притачатися будуть, тогды старостове наши мають завжды з бояр шляхты повету тамошнего двух альбо трехъ бояр старших при той справе с собою мети и поспол з ними их судити, а менш двух особ шляхты старшое при собе не маючи, не маеть никоторых судов сам один справовати, и конца не чинити, и людей их без них самых не судити и не рядити, и в пущах их кривды им нечинити, одно они во всем, водле давного обычая, захованы быти мають, но тому, яко то и перед тым будеть бывало, и вольно будеть завжды в именьях их им самым и потомком их бояром шляхте, кром слуг путных, которые особливую повинность ку службам нашим мають, всяких вольностей шляхетских уживати по тому, як и в инших поветех все рыцерство шляхта, обыватели тутошного панстванашого великого князтва Литовского, в именьях и во всих маетностях своих вольность мають, и подле права и стутуту земского, под которым вси подданные наши у здешнем панстве нашом великом князьстве седять и им ся справують [...]