Наскрізний зріз української історії від найдавніших часів до сьогодення

Привілей, наданий Києву Сигізмундом Августом на безмитну торгівлю у Великому князівстві Литовському (1545 p., квітня 15)

[...] Тых часов присылали до нас войт, бурмистры и рядцы, и вси мещане места нашого Киевского, жалуючи и велико собе обтяжаючи о том, иж што предок наш славной памяти, Александр король его милость, для их великого впаду, который они мають на кождый год от неприятелей наших поганства Татар, отпустил им мыта наши и теж вси мыта князскии, панскии и боярскии, духовных и светских, сухим путем и водою по всей отчизне нашой великому князству Литовскому вечно, в которых-колвек мещан Шевских будеть лист под их печатю местцкою. О чом же первей того наяснейший король его милость, пан а отець наш, до вас писати рачил под зарукою его милости тисячью копами грошей, приказуючи вам, аже бы есте везде от них мыта не брали и заховываючи их во всем подле привилья Александра короля его милости, то пак лей вы, не дбаючи о листы и росказанье его королевский милости, предел уво именьях своих мыта на них везде берете и товары ихгамуєте, в чом же ся им великая кривда и тяжкость от вас дееть. Чого бы есте над привилея и листы короля его милости чинити им не мели. Который ж листы короля его милости они тых часов перед нами покладали, мы их огледавши, в том их заховываем подле привилья Александра и теж листа отца нашого, королей их милости, и приказуєм вам под закладом нашим тисячью копами грошей, а жебы есте от тых мещан наших Киевских, в которых будеть лист под их местцкою печатью, от товаров их мыта на них везде по нашим мытам, по князским и панским, и боярским, духовным и светским, сухим путем и водою, не брали и везде их добровольне а безмытне пропускали, и в том им никоторое кривды и тяжкости и шкоды не делали конечно, абы то инак не было [...]