Наскрізний зріз української історії від найдавніших часів до сьогодення

Лист короля Сигізмунда І про порушення володимирським війтом Іваном Федькевичем обов’язку надавати підводи для виконання дипломатичних доручень (1539 p., вересня 4)

Гдрь корол его меть казал у книги записати, што перво сего, корол его млеть росказал войта володимерского Ивана Федькевича перед собою поставити для того, иж он гонцу гсдрьскому ЯнуМалик бати, который у пилных потребах гсдрьских и земских до Орды до цря перекопского от его млети ехал, за листом подводным подводы под него дати не хотел, и оли ж он до Луцка пеш шол, зачим реч земская великое омешкане приняла. Ино тот войт володимерскии за росказанем гспдрьским до его млети на росправу приехал и поведил, иж коли оный гонец через Володимер ехал, тогды он в тот час сам там не был, а вед жо пред ся ему за тым листом подводным, хотя на нем руки подпису гсдрьское не было, подвода у месте Володимерском дана буде, всему месту Володимерскому лист от короля его млети дан, на котором бы листе подводном руки гсдрьское не было, тогды они за тым листом не мають подвод давати. Яко ж княз староста володимерскии княз Федор Андреевич Санкгушковича перед королем его млетю поведил, иж тот войт володимерскии ге ест в том сплошливым, а завжды за листы подводными ач-колвек бы без подпису руки гсдрьское не были повинни подвод давати, завжды бачачи потребу пилную гонцом подводы даеть, а николи им жадное омешкане у справах гсдрьских не становит. А так корол его млеть от князя старосты володимерского справу в том вземшы, а к тому и повести его выслухавшы, росказалем до дому ехати и вперед велел его млеть ему, бачачи справы гсдрьскии пилныи, за листы его млети гонцом подводы давати.