Наскрізний зріз української історії від найдавніших часів до сьогодення

І Статут Великого князівства Литовського про відповідальність за образу державних урядників (1529 р.)

[...] 1. Господар шлюбуеть никого не карати на заочное поведанье, хотя бы ся дотикало ображенья майстату его милости. И хто бы тэж на кого несправедливе вел, сам тым маеть каран быти

Напервей преречоным прелатом, княжетом, паном хоруговным, шляхтам и местом преречоных земль Великого князьства Литовского, Руского, Жомойтского и иных дали есмо, иж на жадного чоловека выданье або осоченье певное або таемное, подозренье неслушное тых княжат и панов хорунговных, шляхты и мещан карати не хочем ани винити которою виною пенежною, кривавою, нятством абоименья отнятьем, нижли бы первей в суде явным врадом права хрестьянского, коли повод и отпор очивисте стали и остат не бы были поконаны, которые по суде и таковом поконаньи водле звычаю и прав хрестьянских мають быти караны и сказываны подле тяжкости а легкости выуступов своих. И тэж коли бы хто, обмовляючи кого-кольве, винил ку соромоте або ку страченью головы а шло бы о горло або о именье, або о которое-кольве каранье, тогды тот, хто на кого помовить, а не доведеть, тым караньем маеть сам каран быти. [...]