Ваша електронна бібліотека

Про історію України та всесвітню історію

"Русь" - "Мала Русь" - "Україна"

ДОДАТОК 11. Єрмолінський літопис

Стор. 116. 1248 p.

Тоя же зимы князь Александръ Ярославичь выиде отъ Кановичь на Киевъ и на свою Русскую землю, Андреи, брат его, седе въ Володимери на столе.

Стор. 137 1319 р.

И тако повезоша его по Русским градом, и довезе Москвы, и положиша его въ монастыре святого Преображения, а в Тфери сего не ведяху.

Стор. 143. 1341 р.

Преставися князь Иванъ Даниловичь... И поидоша вси князи Русстии в ордуи Ивановичи 3, и Василеи Ярославьски, и Костянтинъ Тферски, и Костянтинъ Васильевичь Суздальски, и прочий князи Рустии.

Стор. 153. 1365 р.

Тое же осени бысть моръ великъ на Коломне, въ Переславли, тою же болестьюи лежаху день, два и умираху; на другое же лето бысть на Москве, и по всемъ землямъ и городомъ Русскимъ. Прииде же ся казнь отъ Бездежа къ Новугороду Нижнему и хъ Коломне, тоже и на всю Русь, и недоволни быша живйи мертвмхъ погребати.

Стор. 159-160. 1375 р.

Князь же велики разосла по вой свои, а самъ иде къ Волоку, и ту приидоша къ нему вси князи Русстии князь Дмитреи Костянтиновичь, князь Во[ло]димеръ Андреевичь, князь Андреи Федоровичь Ростовьски, князь Василеи, Александръ Костянтиновичь, Иванъ Васильевичь Смоленски, Василеи Васильевичь Ярославски, князь Романъ Васильевичь брат его, князь Федоръ Романовичь Белозерьски, Василеи Михаиловичь Кашиньски, Федоръ Михаиловичь Моложьски, Андреи Федоровичь Стародубьски, Романъ Михаиловичь Дбрянски, Романъ Семеновичь Новосильски, Костянтинъ Семеновичь Оболеньски и братъ его Иванъ Торусски, и прочий кънязи со всеми силами своими.

Стор. 189. 1408 р.

Тое же зимы князь некии, именемъ Едигеи, повелением царя Була Салтана прииде на Русскую землю... Того же слышавъ, князь велыки иде на Кострому, а на Москви остави князя Володимера Андреевича, братью свою Андрея, Петра, и князя Ивана Юрьевича, с ними же многое множество народа; посадъ же пожгоніа сами. А Едигеи, пришедъ, ста въ Коломеньскомъ, декабря 1, и распусти по всей земли вой, и взяша градъ Переславль и огнемъ сожгоша, и Ростовъ, и Дмитровъ, и Серпоховъ, и Новъгородъ Нижнеи и Городець.

Стор.194.1425 р.

Бысть моръ великъ во Пъскове, и въ Новегороде Великомъ, и въ Торжьку, и въ Твери, и на Волоце, и въ Дмитрове, и на Москве, и въ всехъ градехъ Русскыхъ, и властехъ, и селехъ.

Стор. 242. 1480 р.

...единъ же царевичь хотя ити за Оку имати Украину, князь же великии посла по братию свою, дву князевъ Андреевъ, и услыша Татарове и побегоша, и тако избави Богъ и Пречистая Рускую землю отъ поганыхъ.

Стор. 263. 1500 р.

...да привели за великого князя князей Русскихъи князя Семена, княжь Иванова сына Андреевича Можайского, да князя Валильа, княжь Иванова сына Дмитреевича Шемякина, и съ ихъ городыи за княземъ Семеномъ Стародубъ да Черниговъ да Гомии, а за княземъ Васильемъ городъ Северскии да Рылескъ. И князь великии пожаловалъ, придалъ имъ к темъ ихъ городомъи князю Семену Почапъ да Мглинъ да Дроковъ да Попову Гору, а князю Василью Путивль да Радогощь да Северскую землю.

Стор. 266. 1509 р.

и князь великии Василеи Ивановичь всеа Русии с королемъ Жидимонтомъ миръ и вечное докончанье взялъ, а городы Русские и с волостьми, свою же вотчину, да и князей служебныхъ съ ихъ вотчинами написалъ въ свою сторону...

Текст подано за: Ермолинская летопись. — Русские летописи. Том седьмой. — Рязань, 2000.