Ваша електронна бібліотека

Про історію України та всесвітню історію

"Русь" - "Мала Русь" - "Україна"

ДОДАТОК 7. Літопис Яна Бінвільського

Стор. 62.

...словяне от слави их названы. Якож с того народу естесмо рус, полякы, чехове, слежаци, поморяне, кашубове, москва, петигоръци, черъкасове, булкарове, боснове, серъбове, далъматове,илмеричикове, каръваци, стирове и иние народи.

Стор. 64.

По оном звитяжстве Скирмунът зарез тигнул до Сиверского, земли за Днепр, где наперед Мозир, взял през подане. Потом Стародуб, Чернигов, Карачов и все места столечные княжат руских в землыСиверской побрал... з войском у поле посполу из инъшими ксонженътами рускими и поразилы татарей.

...великое войну татаров пришъло с царами своими Нагаем и Телебуком, также и з русю до земли Любельское и до Мазовшы и до Седмыкгродской землі и до Сендомира, потом до Кракова, где (не)мало костелов, кляшторов и замъков выбралы и попалылы, только кляштора на Лысой горе занехалы за намовою русей... В року 1288 вернулися с Полски татарове и русь звоевавши, много краин, где одно самих девок на двадъцят тысячей нарабовали, где з русю у Володимера делили здобичью, потом знят, иж великий люд в полон побрали, тегнучи через Рус, татаре шкоди жадное в Руси не чинили для того, же с нимы посполю заодно Полскую воевали.

Стор. 65.

А летописцы наши руские пишут...

Стор. 66.

Иоанн Васильевич, великий князь московский, нашол причину на Литву, иж Александер, кнежа литовское, дочце его Елени, которая была за ним, не збудовал церкви руское на Виленском замку, к тому же менил мет (право) на руские країни, аж по реку Днепр, а по Березине... с которыми пошли до Брянъска, до Сиверское земли. А кгди притегнули под Брянъск, пре(з) зраду Брянск взяли. Также тие замки на тот час москве достали в руки: Чернигов, Стародуб, Новгород Сиверский.

...а кгды Констянътин, до рекы Ведрошы с войском притегнул, москва обачили войско литовское велми малое, бо их было тилько полъчварты тысячы, а москвы сорок тысяч...

Того ж року у восене москва замок Путивел взела за Киевом...

...и остаток Сиверской земли москва посела. Дорогобуж и Торопец...

Того ж року Прецслав Ланцкорунский и Остафий, староста черъкаский, килка от коней руси под Очаковом, три крот бытву с татары счасливе зведшы, тридцят тысячей быдла, а петьсот коней домов своих пригнали.

Стор. 67.

О том року митрополит киевский Исидоросус приехал от папежа Сукениуса с Рима, который на том бил, чтобы до едности костела рус свою привел.

Стор. 68.

Того ж року князь Роман Санъкушъкович, руское земли гетман полний литовский валечныы и сщасливый умер.

Року 1340, квітня 17, Казимер, крол полский, притегнувши с войском, до руских земъли, напрод Илвов, столицу рускую, обълег и взял место Илвов през подане, где много сребра, золота, перел, шат дорогих до Полски побрано.

Стор. 70.

Якейло... всю землю Литовскую, Жмоитскую и часть Руси до Коруни Полское вернул...

Стор. 72.

О давних богах руских и московских.

Текст подано за. Мицик Ю. Літопис Яна Бінвільського // Наукові записки. Том 20. — 2002 р. — Історичні науки. Частина 2.